అతడే పరబ్రహ్మ అతడే లోకనాయకుడు ll Athade Parabramham Athade loka nayakudu ll Lyrics

అతడే పరబ్రహ్మమతడే లోకనాయకుడు
అతని కంటే మరి అధికులు లేరయ్యా ll

కమలవాసిని లక్ష్మి కలదా యెవ్వరికైనా
కమలనాభునికి ఒక్కనికే కాక
కమలజుడైన బ్రహ్మ కలడా యెవ్వని నాభిన్
అమరవంద్యుడు మా హరికే కాక ll

అందరునుండెది భూమి అన్యులకు కలదా
అందపు గోవిందునికే ఆలాయగాక
చెందిన భాగీరథి శ్రీపాదాల గలదా
మంధర ధరుడైన మాధవునికి గాక ll

నిచ్చలు అభయమిచ్చే నేరుపు యెందుగలదా
అచ్చుగ నారాయణునియందే గాక
రచ్చల శరణాగతరక్షణ మెందు గలదా
తచ్చిన శ్రీవేంకటాద్రి దైవానికే కాక ll