Mangli Bathukamma song 2022 lyrics - Bathukamma | Mangli & Indravathi Chauhan Lyrics

పాల పిట్టలు సూడాలే
పారే వాగుల ఈదాలే
నింగికి నేలకు నిచ్చెనలేసి
సుక్కలు కోసుకురావాలే

ఎన్నెలతో జతకట్టాలే
పున్నమి నవ్వై నవ్వాలే
సిన్నలు పెద్దలు కలవాలే
సింగిడిని నేలకు దింపాలే

కొమ్మారెమ్మ కొండాకోన సెరువుగట్టు
తానాలు ఆడే వాన జల్లులు
ఊరే తేనె పూల గాలిలోన తేలి
తుమ్మెదలే కోలాటాలు ఆడెనో

వాగు వంకల్లే పొంగిపారినాయో
ఊరు ఊరంతా ఊగి ఆడినాదో
ఏటి నవ్వే ఎన్నెలై ఒలికిందో
ఏటి నవ్వే ఎన్నెలై ఒలికిందో

పూసిన సెట్టువమ్మా పూల గట్టువమ్మా
పూసిన సెట్టువమ్మా బుట్టబొమ్మ
నీవే గౌరమ్మా పుడమి సిరుల తల్లివే
పాలపిట్టవమ్మా పాటవమ్మా నీవు
మా పల్లె తల్లి పాలవెల్లివే