Meenakshi Pancharatnam Lyrics Telugu Lyrics

ఉద్యద్భాను సహస్రకోటి సదృశాం కేయూరహారోజ్జ్వలాం
బింబోష్ఠీం స్మితదంతపంక్తి రుచిరాం పీతాంబరాలంకృతామ్
విష్ణుబ్రహ్మసురేంద్ర సేవితపదాం తత్త్వస్వరూపాం శివాం
మీనాక్షీం ప్రణతోస్మి సంతతమహం కారుణ్యవారాంనిధిమ్

ముక్తాహార లసత్కిరీటరుచిరాం పూర్ణేందు వక్త్రప్రభాం
శింజన్నూపురకింకిణీ మణిధరాం పద్మప్రభా భాసురామ్
సర్వాభీష్ట ఫలప్రదాం గిరిసుతాం వాణీరమా సేవితాం
మీనాక్షీం ప్రణతోస్మి సంతతమహం కారుణ్యవారాంనిధిమ్

శ్రీవిద్యాం శివవామభాగ నిలయాం హ్రీంకార మంత్రోజ్జ్వలాం
శ్రీచక్రాంకిత బిందుమధ్యవసతిం శ్రీమత్సభానాయకీమ్
శ్రీమత్షణ్ముఖ విఘ్నరాజ జననీం శ్రీమజ్జగన్మోహినీం
మీనాక్షీం ప్రణతోస్మి సంతతమహం కారుణ్యవారాంనిధిమ్

శ్రీమత్సుందర నాయకీం భయహరాం జ్ఞానప్రదాం నిర్మలాం
శ్యామాభాం కమలాసనార్చిత పదాం నారాయణస్యానుజామ్
వీణావేణుమృదంగవాద్య రసికాం నానావిధామంబికాం
మీనాక్షీం ప్రణతోస్మి సంతతమహం కారుణ్యవారాంనిధిమ్

నానాయోగి మునీంద్రహృత్సువసతీం నానార్థ సిద్ధి ప్రదాం
నానాపుష్ప విరాజితాంఘ్రియుగళాం నారాయణే నార్చితామ్
నాదబ్రహ్మమయీం పరాత్పరతరాం నానార్థతత్వాత్మికాం
మీనాక్షీం ప్రణతోస్మి సంతతమహం కారుణ్యవారాంనిధిమ్
మీనాక్షీం ప్రణతోస్మి సంతతమహం కారుణ్యవారాంనిధిమ్