Naa Manasune Meetake Nestamaa song lyrics in telugu Lyrics

నా మనసునే మీటకే నేస్తమా
నా దారిలో చేరకే చైత్రమా
సరదాల చిలిపితనమా
చిరునవ్వులోని స్వరమా
నా తలుపు తట్టి కదిలించకే కవ్వించకే ప్రేమ

నా మనసునే మీటకే నేస్తమా
నా దారిలో చేరకే చైత్రమా

నాకెందుకిలా ఔతోంది చెప్పవా ఒక్కసారి
నీ వెంటపడే ఆశలకే చూపవా పూల దారి
చినుకల్లే చేరి వరదల్లే మారి ముంచేస్తే తేలేదెలాగా
తడిజాడ లేని తమ గుండెలోని దాహాలు తీరేదెలాగా
లేనిపోని సయ్యాటతో వెంటాడకే ప్రేమ

నీ కనులలో వెలగనీ ప్రియతమా
నీ పెదవికే తెలుపనీ మధురిమా

నీ ఊహలలో కొంటెతనం పలకరిస్తోంది నన్ను
నీ ఊపిరితో అల్లుకుని పులకరిస్తోంది వెన్ను
అలవాటు పడిన ఎద చీకటింట సరికొత్త వేకువై రావా
కిరణాలు పడని తెరచాటులోని ఏకాంతమే వదులుకోవా
నన్ను నేను మరిచేంతలా మురిపించకే ప్రేమా

నీ కనులలో వెలగనీ..ఈ.. ప్రియతమా..ఆ..
నీ పెదవికే..ఏ..ఏ.. తెలుపనీ..ఈ.. మధురిమా..ఆ..
సరదాల చిలిపితనమా చిరునవ్వులోని స్వరమా
నా తలుపు తట్టి కదిలించకే కవ్వించకే ప్రేమ