Ye reethi sthuthiyinthunu Lyrics

ఏ రీతి స్తుతియింతును – ఓ యేసూ నాథా దైవమా

ఏ రీతి వర్ణింతును – నీ ప్రేమ మధురంబును

నీ కృపలన్ని తలపోసుకొనుచు – నీ పాదాలు చేరానయ్యా

నీకు కృతజ్ఞతలు చెల్లింప మదిలో – నా కన్నీళ్లు మిగిలాయయ్యా ||ఏ రీతి||

ఏకాకినై నే దుఃఖార్తిలో – ఏ తోడు గానని నాకు

ఏమౌదునో ఎటు పోదునో – ఎటు తోచక నున్న నన్ను

ఏ భయము నీకేల యనుచు – అభయంబు నిచ్చావయ్యా

ఏ దారి కనబడని వేళ – నీ ఒడిలోపు దాచావయ్యా ||ఏ రీతి||

ఈ మనుష్యులు ఈ వైధ్యులు – ఎన్నెన్నో చేసిన గాని

నా ప్రాణము నా దేహము – నీ స్వాధీనంభేగదయ్యా

నా స్వామి నాతోనే ఉంటూ – నా కాపరిగ నిలిచావయ్యా

నాకేమి స్పృహ లేక వున్నా – నీ ఊపిరిని పోసావయ్యా ||ఏ రీతి||

నీ ప్రేమను నీ పేరును – నేనెన్నడూ మరువలేను

నీ కరుణను నీ జాలిని – ఏ మనిషిలో చూడలేను

నిజ దైవము నీవే యనుచు – నీ వైపే నే చూచానయ్యా

యెహోవా రాఫా నేననుచు – ఈ స్వస్థతను ఇచ్చావయ్యా ||ఏ రీతి||