Aaradugula bullettu Lyrics

గగనపు వీధి వీడి వలస వెళ్లిపోయిన
నీలిమబ్బు కోసం
తరలింది తనకు తానే ఆకాశం పరదేశం
శిఖరపు అంచు నుంచి నేల జారిపోయిన
నీటిచుక్క కోసం
విడిచింది చూడు నగమే
తనవాసం వనవాసం

భైరవుడో భార్గవుడో
భాస్కరుడో మరి రక్కసుడో
బృందం: ఉక్కు తీగలాంటి ఒంటి నైజం
వీడు మెరుపులన్ని ఒక్కటైన తేజం
రక్షకుడో తక్షకుడో పరీక్షలకే సుశిక్షితుడో
బృం: శత్రువంటూ లేని వింతయుద్ధం
వీడి గుండెలోతు గాయమైన శబ్దం
నడిచొచ్చే నర్తన శౌరి
పరిగెత్తే పరాక్రమ శైలి
హాలాహలం భరించిన ధగ్ధ హృదయుడో
వీడు ఆరడుగుల బుల్లెట్టు...
వీడు ధైర్యం విసిరిన రాకెట్టు...॥

దివి నుంచి భువి పైకి భగ భగమని కురిసేటి
వినిపించని కిరణం చప్పుడు వీడు
వడి వడిగా వడగళ్లై దడ దడమని జారేటి
కనిపించని జడివానేగా వీడు
శంఖంలో దాగేటి
పోటెత్తిన సంద్రం హోరితడు
శోకాన్నే దాటేసే అశోకుడు వీడురో॥ఆరడుగుల॥

తన మొదలే ఒదులుకొని
పెకైదిగిన కొమ్మలకి
చిగురించిన చోటుని చూపిస్తాడు
తన దిశనే మార్చుకొని
ప్రభవించే సూర్యుడికి
తన తూరుపు పరిచయమే చేస్తాడు
రావణుడొ రాఘవుడొ
మనసును దోచే మాధవుడో
సైనికుడొ శ్రామికుడొ అసాధ్యుడు వీడురో॥ఆరడుగుల॥॥