Dimi Dimi Bherinadham in Telugu | Mangili | Shivaratri 2023 Lyrics

దిమి దిమి భేరీనాధం మోగే మేఘం తాకే భూగోళం
తకదిం రంకే వేసి దుంకే నందిని చూసే పాతాళం
అహ బ్రహ్మే వచ్చి నిన్నే మెచ్చి అందెలు ఇచ్చిన ఆనందం
అరె శంఖము చక్రము వీడిన విష్ణువు వీణలు మీటగా విడ్డూరం

ఏడు గుర్రాల రధమెక్కి సూరీడు చూడగా
తారకలన్ని తప్పెట కొట్టె తకిట తాళం తోడుగా
గౌరమ్మతోని కాలు వేలు కలిపేసి తాండవ శివ

దరువెయ్యరా స్వామి డం డం డోలే
చిందెయ్యరా స్వామి భం భం బోలే, బోలే
దరువెయ్యరా స్వామి డం డం డోలే, డోలే
చిందెయ్యరా స్వామి భం భం బోలే

పులితోలు నీ పంట కురులన్ని జడగట్ట
తనువంత మసి పుట్ట భస్మాంగ
అయినా గంగవ్వ నడిచింది నీ తొవ్వ
సురలే తలదించి చూడంగా

ఆ చందమామే చంద్రావంకై
ఎన్నెల పువ్వుగ మారంగా
మరి నిప్పుల బాండాన్ని రెప్పతో మింగేసి
ముక్కంటివైనావు చిత్రంగా

నాగు సర్పాలే నీ ఆభరణాలై ఆడేటి ఓ లింగా
కోటి దేవుళ్ళకు రూపం నీవు సోమనాథ లింగా
గౌరమ్మతోని కాలు వేలు కలిపేసి తాండవ శివ
దరువెయ్యరా స్వామి డం డం డోలే
చిందెయ్యరా స్వామి భం భం బోలే, బోలే
దరువెయ్యరా స్వామి డం డం డోలే, డోలే
చిందెయ్యరా స్వామి భం భం బోలే

చలి వెండి కొండల్లో స్పటిక జ్యోతిర్లింగ
నిలిచావు కేదారనాదంగా
అరుణాచలములోన తిరుముగ నెలవుండి
కరుణించుతున్నావు సల్లంగా

కాశీ విశ్వరూపివంట… శ్రీ కాళహస్తిలో శ్రీ కంఠ
శ్రీశైలవాస శ్రీమల్లికార్జున స్వామివై ఉండయ్య మా ఇంట
రామేశ్వరములోన వరములీయ వెలసినావంట
భారతఖండనా పన్నెండు జ్యోతుల వెలిగినావంట
గౌరమ్మతోని కాలు వేలు కలిపేసి తాండవ శివ

దరువెయ్యరా స్వామి డం డం డోలే
చిందెయ్యరా స్వామి భం భం బోలే, బోలే
దరువెయ్యరా స్వామి డం డం డోలే, డోలే
చిందెయ్యరా స్వామి భం భం బోలే

Watch దిమి దిమి భేరీనాధం మోగే Video Song