Etla Ninnu Ethukundunamma Song | Laxmi Devi Songs | Telugu Devotional Songs Lyrics

ఎట్లా నిన్నెత్తుకొందునమ్మ వరలక్ష్మి తల్లి

ఎట్లా నిన్నెత్తుకొందు ఆట్లాడే బాలవునీవు

ఇట్లా రమ్మనుచు పిలిచి కోట్లా ధనమిచ్చే తల్లి || ఎట్లా నిన్నెత్తు ||

పసిబాలవైతే ఎత్తుకొందు వరలక్ష్మి తల్లి పసిడి బుగ్గల పాలవెల్లి

పూవులు పండ్లు తోరణములతో పాలవెల్లి కట్టిన వేదికపై

కలహంస నడకలతోటి ఘల్లుఘల్లుమని నడిచేతల్లి || ఎట్లా నిన్నెత్తు ||

వేయి నామాల కల్పవల్లి వేమారు మాపై కరుణించి సాయమువుండుము తల్లి

సామ్రాజ్య జనని మాపై వేమారు కరుణాకల్గి

ఆయుర్వృద్ధి అష్టైశ్వర్యము సుఖము సంపదలిచ్చే తల్లి

ఆయుర్వృద్ధి అష్టైశ్వర్యము అయిదవతనములిచ్చే తల్లి || ఎట్లా నిన్నెత్తు ||

నవరత్నాల నీ నగుమోమె తల్లి వరలక్ష్మీ తల్లి కనకరాసుల కళ్యాణి

కుసుమ కోమల సౌందర్యరాశి లోకపావని శ్రీ వరలక్ష్మీ

శ్రావణ పూర్ణిమ పూర్వార్ధ శుక్రవారము జగతిలో వెలిగే తల్లి || ఎట్లా నిన్నెత్తు ||